ਜਗਰੂਪ ਸਿੰਘ
ਕਿਵੀ
ਰੋਜ਼ਾਨਾ ਹੀ ਡਾਕਟਰ ਉਸ ਮੁਨੀ ਬਾਬਾ ਦੇ ਪ੍ਰਵਚਨ ਸੁਣਨ
ਜਾਂਦਾ। ਹਰ ਕੰਮ ਸ਼ੁਰੂ ਕਰਨ ਤੋਂ ਪਹਿਲਾਂ ਉਸ ਦੀ ਸਲਾਹ ਲੈਂਦਾ। ਮੁਨੀ ਬਾਬਾ ਦੀ ਇਕ ਵੱਡੀ ਤਸਵੀਰ
ਡਾਕਟਰ ਸਾਹਿਬ ਦੇ ਘਰ ਲੱਗੀ ਹੋਈ ਸੀ। ਬਾਹਰ ਜਾਣ ਲੱਗਿਆਂ ਉਹ ਫੋਟੋ ਅੱਗੇ ਸਿਰ ਝੁਕਾਉਂਦਾ।
ਅੱਜ ਆਪਰੇਸ਼ਨ ਕਰਦਿਆਂ ਡਾਕਟਰ ਸਾਹਿਬ ਦੇ ਹੱਥ ਕੰਬ ਰਹੇ
ਸਨ ਕਿਉਂਕਿ ਆਪਰੇਸ਼ਨ ਮੁਨੀ ਬਾਬੇ ਦੇ ਇਕਲੌਤੇ ਪੁੱਤਰ ਦਾ ਸੀ।
ਅੱਜ ਪਹਿਲੀ ਵਾਰ ਡਾਕਟਰ ਨੇ ਮੁਨੀ ਬਾਬਾ ਨੂੰ ਤਰਲੇ
ਕੱਢਦਿਆਂ ਵੇਖਿਆ। ਆਖਰ ਆਪਰੇਸ਼ਨ ਕਾਮਯਾਬ ਹੋ ਹੀ ਗਿਆ। ਪਰ ਹੁਣ ਡਾਕਟਰ ਘੱਟ-ਵੱਧ ਹੀ ਮੁਨੀ ਬਾਬੇ
ਕੋਲ ਜਾਂਦਾ। ਹੁਣ ਉਸ ਦੇ ਘਰ ਮੁਨੀ ਬਾਬਾ ਦੀ ਤਸਵੀਰ ਵੀ ਨਹੀਂ ਸੀ।
-0-
No comments:
Post a Comment